Keiluferð

1

Í kvöld var keilumót, vinnan mín á móti tannréttingastofunni sem er á sama stað og við erum.
Við unnum nú ekki en tókum okkur gasalega vel út!  eins og má sjá hér að ofan.
Mér hefur reyndar sjaldan gengið eins illa í keilu, var yfirleitt yfir 100 stigum hér áður fyrr þegar maður var aðeins duglegri að skella sér keilu, en núna náði 67 stigum…

Eftir keiluna fórum við að borða á Hornið og fengum svakalega góðar pizzur, namm er enn með bragðið af pestópizzunni í nefinu.  Krummi var nú líka stoltur af mér þegar ég kom heim og tilkynnti honum að ég hefði drukkið næstum því hálft rauðvínsglas!
Sem er mikið fyrir mig því ég drekk aldrei rauðvín og hann er búinn að hafa mikið fyrir því að reyna að kenna mér það.

Annars er allt við það sama hjá okkur, helgin að skella á og nóg að gera að venju.

Helgarfrí

Já það er alltaf gott að fá smá helgarfrí, við fjölskyldan vöknuðum snemma í gærmorgun, fórum í ballet með Natalíu, eða reyndar fóru feðginin ég skaust í búðir á meðan.  Við fórum í afmæli og svo matarboð um kvöldið. Sem sagt nóg að gera.

Dagurinn í dag er ekki planaður í þaula, ætla að reyna að þrífa aðeins hér heima og svo kíkjum við eflaust eitthvað út.

Annars er allt í rólegheitunum Vinnuvikan fram undan og eflaust nóg að gera á því sviði.

Ný vika

Já vikan byrjaði með látum, bankinn okkar kominn í eigu ríkisins.  Ég veit í raun ekki hvað mér á að finnast um þetta allt…enda virðast skoðanir almennings litlu skipta..

Annars var þetta fínn mánudagur, Natalía vaknaði með skemmtilega spurningu í morgun, “mamma hvað er langt þangað til jólin koma?”  Ég var nú ekki alveg viss (kannaði það svo og það eru 86 dagar), þá sagði hún “ég hlakka svo til jólanna því þá fáum við jólatré”.  Hún er svo mikið yndi þessi skvísa.

Vinnan var fín í dag, miklu afkastað, er búin að vera í mikilli tölvuvinnu síðustu vikuna og verð satt best að segja ágætlega fegin að fá “venjulegan” dag á morgun.  Ekki það að enginn dagur er eins, það er líka það sem er það skemmtilega við vinnuna, nóg að gera og alltaf eitthvað nýtt

Ég fór með Elfu sem er tannsmiður hjá tannréttingasérfræðingnum á hæðinni í göngu um Elliðaárdalinn áðan, hún býr í nágrenninu svo það er upplagt fyrir okkur að hittast og labba saman. 

Annars er afmælishrinan að hefjast og óska ég öllum þeim sem eiga afmæli núna og á næstunni til hamingju með afmælið

Kveðja Rakel

Haustið er komið

Haustið komið enn á ný og manni finnst styttast fáránlega mikið í jólin og  nýtt ár.  Er alltaf jafn hissa á að Natalía er að verða 5 ára!  hún er orðin hluti af stóru krökkunum í leikskólanum og byrjar í skóla næsta haust!

Hún nýtur þess í ystu æsar að vera á leikskólanum, ég er yfirleitt búin snemma (fyrr en hina dagana) í vinnu á föstudögum og oftast segir hún að ég sé að sækja hana of snemma.
Annars er alltaf nóg að gera í vinnunni, það er reyndar þannig sem maður vill hafa það, alltaf nóg af verkefnum.  

Fyrir utan vinnu og fjölskyldulífið er lítið að frétta eða gerast, ég er að bögglast við að koma ræktinni inn í dagskránna, það gengur nú misjafnlega en gengur þó. 

Segi þetta gott í bili

Kveðja Rakel önnum kafna

Einstaka sinnum bloggari………….

Já, get ekki sagt annað en að ég gleymi þessari síðu inn á milli hehe

Annars er allt gott að frétta, við erum búin að hafa það gott í sumar.  Ég byrjaði að vinna í byrjun maí, daginn eftir að prófunum lauk, ég náði öllu og útskrifaðist 23.maí.

Vinnan gengur flott og ég er mjög ánægð. 

Við fjölskyldan fórum í 2 vikur til Lanzarote í júní, ásamt tengdó, tveim yngstu bræðrum hans Krumma, frænda Krumma og konunni hans.  Ferðin heppnaðist svakalega vel, skiptum um hótel seinni vikuna og ómæ þvílík paradís, allt innifalið (matur, drykkir, ís………….), fimm sundlaugar og pjúra afslöppun!

Júlí er eiginlega búinn að týnast, Krummi átti afmæli stuttu eftir að við komum heim, orðin 25 ára   hann var nú bara að dúlla sér með Natalíu þann daginn, ég byrjuð að vinna.  En tengdó buðu okkur í grill helgina eftir afmælisdaginn til að halda upp á áfangann.   Við Krummi fórum svo fyrir rúmri viku síðan á Humarhúsið að fagna bæði afmælinu og eins árs brúðkaupsafmælinu okkar sem var þann 7.júlí.  Í byrjun júlí fengum við kisu, hún heitir Bella og er fædd í lok apríl.  Natalía er ekkert smá kát með kisu og henni líður mjög vel hjá okkur

Ég er núna komin í frí, ef frí skyldi kalla, þarf að þrífa og taka til (fataskápar og fleira sem hefur fengið að bíða)  svo er ég að klára fjarnámið, er búin að vera í íslensku 503 og stærðfræði 303 í sumar og það er sko nóg að gera í því.

Læt þetta duga í bili, vona að þið hafið það sem best í blíðunni

Rakel

Esjan

Við fjölskyldan skelltum okkur á Esjuna í dag, fórum reyndar ekki alla leið, kláruðum cirka helminginn.  Natalía var ekkert smá dugleg gekk þetta allt sjálf og þurfti ekkert að halda á henni.  Ótrúlega gaman hjá okkur, settumst niður með nesti og gengum svo niður, hlupum reyndar neðsta partinn og alveg niður að bíl.   Eftir gönguna fórum við svo í sund. 

Ég er ekki frá því að maður hafi tekið smá lit, er alla vega frekar rjóð í kinnum.  Planið er að fara aftur í sumar og reyna þá að fara lengra og vinna okkur svo hægt og rólega nær toppnum, það er nú ekki hægt að ætlast til að fjögurra ára skvísa fari upp í topp í fyrstu tilraun, þó svo þreytan hafi ekki sagt til sín í dag

Gleðilegt sumar

Ótrúlega gott veður úti, get ekki beðið eftir að leiknum ljúki í sjónvarpinu svo við fjölskyldan getum smellt okkur út í þetta góða veður

Annars er allt gott að frétta af okkur, ég er komin með vinnu á tannlæknastofu í Kópavoginum.  Byrja líklega strax eftir próf    Mjög ánægð með það.  Fer líka að læra spænsku, þar sem allir á stofunni eru að læra spænsku saman og stefna á að heimsækja eitthvað spænskumælandi land.

Natalía er hress að venju, ballettvetrinum var slúttað með sýningu í borgarleikhúsinu og núna er hún á vornámskeiði næstu fjórar vikur.

Prófin eru að fara í gang hjá mér, fór í eitt verklegt í vikunni og fer svo í “stóra” verklega prófið á þriðjudaginn, eftir það eru þrjú bókleg próf áður en ég klára 7.maí.

Útskriftin er svo 23.maí daginn fyrir afmælið mitt get ekki beðið.

Get ekki beðið eftir sumrinu

við vorum nefnilega að panta okkur ferð til Lanzarote í sumar.  Það verður bara æði að komast í sólina og slaka svolítið á

Annars er allt gott að frétta, allt of mikið að gera en það er líka í fínu lagi.

jæja þetta verður bara stutt montfærsla í tilefni snjókomunnar

Þvílíkur vetur

Þetta veður er alveg magnað, langt síðan maður hefur upplifað svona mikinn snjó-vetur.  Þetta er nú svo sem ágætt að fá smá snjó en það fer nú að verða komið gott.  Ég komst reyndar frekar auðveldlega leiða minna í dag, þrátt fyrir að planið hér hafi ekki verið troðið og að það var ekki búið að skafa götuna að leikskólanum og örfáir bílar búnir að keyra yfir skaflana þangað niður eftir.

Vikan er búin að vera ágæt, búin að fara í heimsókn á tvær tannlæknastofur, aðra þeirra hafði ég nú reyndar heimsótt áður.  Það var fyrilestur í skólanum á mánudaginn og svo skóli allan daginn á miðvikudag, á morgun er svo fyrirlestur allan daginn.

Natalía var greind með streptococca sýkingu á föstudaginn fyrir viku, ég fór svo að verða slöpp á laugardeginum og ákvað að fara á læknavaktina.  Læknirinn vildi ekki einu sinni taka strok, leit ofan í kok á mér og sagði strax að þetta þyrfti meðferð, svo slæmt var útlitið á hálskirtlunum.  Kirtillinn öðru meginn er ekki einu sinni farinn að hjaðna og ég búin að vera rúma 5 daga á lyfjum, hann fer samt vonandi að taka við sér.

Annars er lítið að frétta af okkur, bara nóg að gera

Snjór og meiri snjór

Ég fór niður á Landspítala í gær, var reyndar ekki viss um að ég kæmist, Krummi var farinn af stað og hringdi til að láta mig vita að löggan væri að vara fólk við vegna þess að enginn hafði undan að moka.  Hann bjargaði mér svo alveg því hann átti að fara að vinna upp í Grafarholti en þar var ófært og hann komst ekki inn í götuna þar sem hann átti að vera,  svo hann kom við í bakaleiðinni og skutlaði Natalíu í leikskólann.  Ég arkaði af stað, mokað bílinn undan snjófjallinu og lagði svo af stað, ég var ekki nema rúmar 40 mínútur á leiðinni hehe.

En komst á leiðarenda, dagurinn var mjög áhugaverður, fylgdist með í fyrri svæfingunni en aðstoðaði í seinni.  Maður er sko allur klæddur í grænan galla (skurðstofu) inn á risastofu, maður er nú frekar vanur því að tannlæknastofur séu þröng og lítil rými (virka samt vel ef þau eru vel hönnuð), en þetta var mjög stór stofa, með risa ljósum og fullt af tækjum.  Alveg ótrúlegt að sjá hvað þarf að flytja mikið á milli af tækjum og tólum.  En þetta var mjög gaman, ég var svo búin um tvö og komst að sækja prinsessuna og versla í Bóndadagsmat. 

Vorum með kjúklingabringur fylltar með rjómaosti í matinn og svo bakaði ég köku handa Krumma í eftirrétt.  Rosa góð eiginkona

Dagurinn er búinn að vera fínn, fórum með Natalíu í ballet og lögðum okkur svo hérna áðan ahhh gott